Министерот Алити на одбележувањето на Меѓународниот ден на сеќавање на Холокаустот
Скопје, 27 јануари 2023
Министерот за информатичко општество и администрација Адмирим Алити денеска учествуваше на Меморијалната академија по повод Меѓународниот ден на Холокаустот, во организација на Институтот за духовно и културно наследство на Албанците од Северна Македонија.
,,Ужасите на холокаустот ни кажуваат за изопачувањето на човечките вредности и злоупотребата на оружјето за постигнување одредени цели, имено истребување на еден народ. Албанците беа со Евреите во минатото, но и денес сведочиме за нашиот правилен став и преку одбележувањето на овие страшни настани ја даваме пораката за мир, толеранција и разбирање.
Јазикот на разумот и човечноста мора да преовладува во секој историски период. Преку одбележувањето на овој датум, застануваме и размислуваме за современите Холокаусти во форма на насилна човечка експлоатација. Настаните кои не се одбележуваат, се оставени во заборав и имаат голема веројатност да се повторат. Се молиме Холокаустот никогаш да не се повтори“, истакна министерот Алити.
