Министерот Алити присуствуваше на третата Регионална конференција „Граѓаните на прво место“
Белград, 10 ноември 2022
Министерот за информатичко општество и администрација, Адмирим Алити, присуствуваше на третата Регионална конференција „Граѓаните на прво место“, која се одржа во Белград, која ги обедини земјите од Западен Балкан со цел да го прошири дијалогот во креирањето, дизајнирањето и спроведувањето на сеопфатни политики, како и реформи во процесот на демократизација и транзиција, со цел да се задоволат потребите на граѓаните.
Алити се осврна на важноста на модернизацијата, дигитализацијата и реформите на јавната администрација како еминентен фактор за да се биде поблиску до граѓаните и во исто време условувачки фактор за пристапување во ЕУ.
Министерот Алити ги истакна досегашните предизвици и достигнувања на Северна Македонија во однос на дигиталните услуги, истакнувајќи ги и напорите за унапредување на дигиталните платформи за поефикасно управување со работата на институциите.
“ МИОА и Владата остануваат целосно посветени на зголемување на ефикасноста на услугите кон граѓаните и на создавање професионална, ефикасна и транспарентна јавна администрација која ќе ги олесни и задоволува потребите на граѓаните.”, рече меѓу другото министерот Алити.
