Максимално сме ангажирани за квалитетно финализирање на процесот поврзан со новите законски решенија
Скопје, 14 октомври 2022
Министерството за информатичко општество и администрација активно и ефикасно работи за изработка на новите законски решенија.
,,Досега има објавено три нацрт-верзии на повеќе закони, меѓу кои: Законот за вработените во јавниот сектор и Законот за административни службеници, кои се однесуваат на статусот на вработените во јавниот сектор и административните службеници. Овие закони во септември годинава беа објавени во Единствениот национален електронски регистар (ЕНЕР)“, рече министерот за информатичко општество и администрација Адмирим Алити.
Предложените законски решенија се резултат на широк консултативен процес и се во насока на професионализација на администрацијата, воспоставување на мерит систем, поголема ефикасност и ефективност.
