Работна средба МИОА- Царинска управа
Скопје, 16 мај 2022
Министерот за информатичко општество и администрација Адмирим Алити денеска оствари работна средба со директорката на Царинската управа Славица Кутиров и со заменик директорот Муарем Асани.
На средбата се разговараше за продлабочување на соработката која е оценета како успешна, како и за тековните состојби во однос на дигитализација на услугите и унапредување на нивната работа. Меѓу темите на коишто се осврнаа, беше Интероперабилноста, Централниот регистар и Националниот систем за управување со документи- ДМС.
Соговорниците ја истакнаа заложбата за градење на капацитети кои ќе доведат до ефикасно, транспарентно и отчетно работење. Активностите за соработка ќе се интензивираат и за таа цел ќе се формираат работни групи од двете страни.
Дигитализацијата како процес е многу важен, им носи бенефит на граѓаните и деловните субјекти и доведува до поголема ефикасност на администрацијата и поквалитетни услуги- беше констатирано на средбата.
