Prezantimi i Planit Nacional Aksional për Partneritetin e Hapur Qeveritar 2018 – 2020
Shkup, 09 korrik 2018
Ministria për Shoqëri Informatike dhe Administratë organizoi evenimentin e dytë publik për "Partneritetin e Hapur Qeveritar - dialogu me organizatat e shoqërisë qytetare për Planin Nacional Aksional 2018-2020"..
Qëllimi i evenimentit ishte që të prezantohet Projekt-Plani Aksional për Partneritetin e Hapur Qeveritar i punuar në bashkëpunim me organizatat e shoqërisë qytetare.
Në këtë eveniment, fjalim mbajti edhe zv/ministri i Shoqërisë Informatike dhe Administratës, Aleksandër Bajdevski, i cili iu referua përpjekjeve të Qeverisë dhe Ministrisë së Shoqërisë Informatike dhe Administratës për hapjen dhe transparencën gjatë punës së saj.
"Partneriteti i hapur qeveritar fokusohet në përmirësimin e transparencës, llogaridhënies dhe përgjegjësisë qeveritare ndaj qytetarëve. Ajo lidh qeverinë dhe shoqërinë qytetare në reformat dhe konfirmon se qeveritë mund të jenë më efektive vetëm nëse hapin hapësirë për konsultime dhe kritika me qytetarët dhe shoqërinë qytetare. Ky bashkëpunim është reflektuar në Planin e Katërt Nacional Aksional për Partneritetin e Hapur Qeveritar 2018-2020. Plani aksional nuk është i madh dhe me një numër të masave si dhe qëllimeve të ndryshme, në mënyrë që zbatimi dhe realizimi i objektivave të mund të jenë konkrete, të matshme dhe të plota. Ky eveniment është vazhdimësi e përpjekjeve për të krijuar hapësirë për diskutime ndërmjet organizatave dhe institucioneve qeveritare në përgatitjen e planit të katërt aksional", tha Bajdevski.
Siç theksoi ai, përpjektjet e Qeverisë në vitin e kaluar janë pikërisht po ai drejtim, gjë që konfirmohet nga të dhënat e hulumtimit më të fundit Action SEE, i mbështetur nga Bashkimi Evropian, I realizuar nga fondacioni Metamorfozis. Qeveria rradhitet e para në rajon për transparence dhe llogaridhënie, krahasuar me Shqipërinë, Bosnjën dhe Hercegovinën, Kosovën, Sërbinë dhe Malin e Zi. Vitin e kaluar Maqedonia ishte në vendin të 6-të të fundit. Kjo veçanërisht është një mirënjohje e jashtëzakonshme, për ne të gjithë.
"Për herë të parë, Kuvendi është i përfshirë në këtë proces. Gjithashtu, për herë të parë në nismën e Partneritetit të Hapur Qeveritar, bashkohet edhe Qyteti i Shkupit, me përpjekjet ndaj Rezistencës Shkup. Dhe këto janë ndryshime të cilat do ta përmirësojnë procesin dhe do të kontribuojë për hapjen dhe llogaridhënien e të gjitha institucioneve ", përfundoi Bajdevski.
Ajo që qëndron në periudhën e ardhshme është Plani i Katërt Nacional Aksional për Partneritetin e Hapur Qeveritar 2018-2020-të, të miratohet në Sesionin e Qeverisë muajin e ardhshëm, pas së cilës do të fillojë zbatimi aktual i masave dhe aktiviteteve të caktuara.
Мinistria për Shoqëri Informatike dhe Administratë
